9.1. Усе прыслоўі падзяляюцца на вытворныя і невытворныя.
9.2. Вытворныя прыслоўі маюць адзіны канчатак -e: bona — добры, bone — добра; bela — прыгожы, bele — прыгожа; unu — адзін, unue — па-першае, упершыню.
9.3. Невытворныя прыслоўі канчаткаў не маюць. Да іх адносяцца словы, якія выражаюць абставіны, у якіх праходзіць дзеянне:
| ankoraŭ — яшчэ | baldaŭ — скора, хутка |
| almenaŭ — прынамсі | eĉ — нат, нават |
| apenaŭ — ледзь толькі | for — прэч |
| jam — ужо | nun — цяпер |
| jen — вось | preskaŭ — амаль |
| ĵus — толькі што | plu — далей |
| hieraŭ — учора | tre — вельмі |
| hodiaŭ — сёння | tro — надта |
| morgaŭ — заўтра | tuj — адразу, зараз-жа |
9.4. Ад невытворных прыслоўяў могуць быць утвораны прыметнікі: nuna — цяперашні, plua — далейшы.
9.5. Ступені параўнання прыслоўяў утвараюцца па тых самых правілах, як і для прыметнікаў: bone — добра, pli bone — лепш, plej bone — найлепш.